დღეს კვ ირაა და მედიაპორტალი MomsEdu.ge ტრადიციულ რუბრიკას - ორთოდონტის რეკომენდაციებს წარმოგიდგენთ. ამჯერად ექიმი ორთოდონტი ლელა შამათავა საუბრობს  ბრეკეტ​-სისტემით მკურნალობის ხანგრძლივობაზე.

ყველამ ძალიან კარგად იცით, როგორ ეფექტურად მუშაობს ბრეკეტები და რა გასაოცარ შედეგებს იძლევა. ამ ყველაფერს ის ახორციელებს ძვალსა და კბილებზე ინტენსიური და მუდმივი ძლიერი ძალების ზემოქმედებით. აქედან გამომდინარე, აუცილებელია, რომ მკურნალობის ვადა იყოს მკაცრად ლიმიტირებული და ის არ უნდა სცდებოდეს წელიწად-ნახევარს, ორ წელიწადს. ამ დროის გასვლის შემდეგ საკამოდ სახიფათო და სარისკოა მუშაობა, რადგან გართულებების რიცხვი იმატებს. ეს გართულებებია: დესტრუქციული უბნების გაჩენა ძვალში, კბილების მორყევა და უკიდურეს შემთხვევაში, დაკარგვაც კი. 

რა ხდება, როდესაც  ანომალიის სირთულიდან გამომდინარე  ორ წელიწდში ვერ ხერხდება მკურნალობის დასრულება? ასეთ დროს პაციენტს ვხსნით ბრეკეტებს, ვასვენებთ დაახლოებით ერთი წლის განმავლობაში, ხოლო მიღებულ შედეგს ვინარჩუნებთ. ერთი წლის შემდეგ კვლავ ვიწყებთ განმეორებით მკურნალობას. შედეგი გაცილებით უფრო სწრაფად დგება და გართულებების რისკიც მინიმუმამდეა დაყვანილი.